Sumik siunertaqarpa?
Atuartitsinermi siunertaq – Tupilak
Matumani atuartitsinermik ingerlatsinermi meeqqat Tupilak, kalaallit kulturiannut oqaluttuartarnermullu ileqquannut pingaarutilik pillugu ilinniagaqassapput. Meeqqat tupilaap piffissap ingerlanerani oqaluttussartaanik, isumaanik ineriartortinneqarneranillu paasisaqarnissaat siunertaavoq, taamaalillutik kulturip oqaluttuassartaanik oqaluttuutsinnikkut nutaanillu pilersitsillutik suliaqarnikkut pissarsiaqassapput.
Meeqqat tupilaat pillugit oqaluttuatoqqanik nassuiaanneqarlutillu ullumikkut Kalaallit Nunaanni eqqumiitsuliornermut assassornermullu ilisarnaatitut ilisimaneqalersimanera pillugu ilikkagaqassapput. Oqaloqatigiinnerit oqaluttuarnerillu aqqutigalugit oqaluttuatoqqat, kulturip eqqumiitsuliallu ataqatigiinnerannik paasisaqassapput.
Atuartitsinerup ilaatut atuartut namminneq marrarmik tupilaliussapput. Marrarmik atuartitsinerup nalaani ilusilersuinermik, pilersitsinermik marrarmillu suliaqarnermik tunngaviusumik periutsinik ilinniassapput. Takorluuisinnaanertik nutaaliorsinnaanertik atorlugu kalaallit oqaluttuaanneersunik isumassarsiorlutik namminneq inuttut inuusaasaliornissaminnut periarfissaqassapput.
Ingerlatsinikkut meeqqat kulturimut, nutaaliorsinnaanermut paasinninnerannik aamma pussukumiallaqqissusaannullu piginnaasaat pitsaanerulersinneqassaaq. Saniatigullu namminneq inuttut eqqumiitsuliornissaannut, Kalaallit Nunaata kulturikkut kingornussaanut attuumassutilimmik, periarfissinneqassapput.
Marriukkamik tupilaliorneq imatut ingerlanneqartarpoq:
Ilinniartitsisoq atuartullu Illorpumi workshoppertitsinermut marloriarlutik ornigutissapput:
1) Siullermeernermi atuartut atuartitsisoq ikiortigalugu Tupilaliussapput ilusilersorlugulu.
2) Aappassaaneernermi*, atuartut Tupilak marriugaq qalipaasersussavaat.
*Maluginiarneqassaaq, siullermeersumik aappassaaneersumillu workshoppertitsinerit sapaatip akunneranik marlunnik nikingatinneqassapput, marriukkat paneqqaarsinnaaniassammata ikuallanneqarlutillu.
MALUGIUK: JuullerpaluttuLIORTOQARSINNAANNGINNERA malugineqassaaq.
Atuartut amerlassusiat: Amerlanerpaamik klasse ataaseq (atuartut 26-t).
Marriornermi ilitsersuisoq:
Oktobarimi: Ajoraluartumik marriortoqarsinnaanngilaq
Novembarimi: Hanne Berthels
Malugiuk: Klassimi inissat tamakkerneqassappata holdinut marlunnut avinneqassaaq, holdip aappa amermik mersornermik holdillu aappaa marriornermik sammisaqassallutik. Ima paasillugu ingerlatsinermi klassimi tamakkerlutik workshoperfissanik marluusunik ingerlatsisinnaaqqullugit katillugit ingerlasussat sisamaassapput. Marluullutik Illorput-imi ataatsikkut ingerlanneqassapput. Amermik matuersaasiviliorneq pillugu uani paasisaqarnerugit: Amermik matuersaasiviliorneq Workshop
Sapaatit akunneri 1-2: Hold 1: Amermik mersorneq
Hold 2: Marriorneq
Sapaatit akunneri 3-4: Hold 1: Marriorneq
Hold 2: Amermik mersorneq
Workshoppernermut inniminniisimagussi, ilinniartitsisuusumit attavigineqassaasi:
Inniminniinermi toqqaannartumik ilitsersuisoq amermik matuersaasiviornermi ilitsersuisumit: Sara Marie Berthelsenimiit, email: qilertilik@outlook.dk - attavigineqarumaarpusi.
Suleqatigisartakkat
